Ағымдағы жылдың 18 сәуір күні Қазақстан Республикасы Ұлттық ұланының «Батыс» өңірлік қолбасшылығына қарасты Ақтау қаласында орналасқан 6656 әскери бөлімінің қызметкерлері Қырғызстан елінен Ақтау қаласынан келген гуманитарлық көмекті күтіп алуға атсалысты, деп хабарлайды DKNews.kz.
Атап өтер болсақ, қазіргі таңда еліміздің бірнеше аумағында туындаған төтенше жағдайға байланысты, көптеген елді мекен тұрғындары үйлерінен эвакуациялануда.
Осы орайда 18 сәуір күні Атырау облысынан Ақтау қаласына эвакуацияланған тұрғындарға арнап көршілес Қырғызстан елінен гуманитарлық көмек келген болатын.
Аталмыш көмекті күтіп, халыққа тарату жұмысын Ұлттық ұланның 6656 әскери бөлімінің 30 дан астам әскери қызметшісі атқарды.
