Қарағанды бейнелеу өнері мұражайында суретші, ақын, композитор және әнші Жанболат Бабақовтың көрмесі ашылды, деп хабарлайды DKNews.kz.
"Жұлдыздардың жандануы" – бұл суретшінің алғашқы жеке экспозициясы, кино тарихында өз ізін қалдырған актерлерге деген құрметі.
Көрмеге Виктор Цой, Владимир Высоцкий, Сергей Бодров, Джеки Чан, Брюс Ли, Аль Пачино және басқада танымал тұлғалардың портреті қойылған.
Жанболат Бабақов бала кезінен шығармашылықпен айналысады. Виктор Цой мен Владимир Высоцкийдің музыкасы оны гитара шертуге шабыттандырғанын айтады, ал кинематографияға деген сүйіспеншілік сурет салуға итермелеген.
Жанболат сурет өнеріне 2022 жылы бет бұрып, Дмитрий Кетцманның жетекшілігімен Beautiful Art студиясында бұл бағытта еңбек жолын бастаған.
– Маған портреттер салу өте ұнайды. Бұл күрделі жанр, бірақ өте қызықты. Майлы бояумен сурет саламын деп ойлаған жоқпын (көрмеге арналған портреттер майлы бояумен салынған). Әзірге Мен тек екі түспен жұмыс істеймін – қара және ақ. Ішкі жан дүнием қалаған жұлдыздарды бейнеледім. Көрмеде мен нәтижені ғана емес, шығармашылығымдағы әрбір жаңа қадамымды көрсетемін. Көрермен табыстың қалай басталатынын көргенін қалаймын, – дейді Жанболат.
Көрме 1 мамырға дейін жалғасады.
