Ағымдағы жылдың 28 сәуір күні Ақтауда Қазақстан халқы бірлігі күніне орай «Бірлік жүгіріс» атты бірегей жарыс өткізілді, деп хабарлайды DKNews.kz.
Аталмыш жарысқан 18 жасқа дейінгі ұл-қыздар және 18 жастан жоғары азаматтардың арасынан құралған 4 топ бойынша ұйымдастырылған болатын. Шара, 9А-шағын ауданынан бастау алып, 15-шағынаудандағы Амфитеатр аланыңа дейін созылды.
Сонымен қатар айта кетейік аталмыш бұл сайысқа Қазақстан Республика ІІМ Ұлттық ұланы 3502 әскери бөлімінің қызметкерлері де қатысқан болатын. Тартысқа толы болған бұл жүгірісте 3000 метр қашықтығында 3502 әскери бөлімінің қызметкері Сұрғанов Мұрат мәре сызығын 2 ші болып кессе, Нұрманов Нұрдәулет 3 орынға ие болады.
Естеріңізге сала кетейік халқымыздың бірлігін нығайту мақсатында ұйымдастырылған бұл сайыс еліміздің барлық қалаларында өз жалғасын табады.
