Қазақстан Республикасы Өнеркәсіп және құрылыс министрлігінің өтініш берушінің домофон қызметтеріне қатысты шарттық қатынастарға қатысты түсіндірме сұрауына болжамды жауабы туралы желіде пайда болған хабарлама домофон компанияларының қызметтерінен бас тарту туралы ұсыныс болып табылмайды, деп хабарлайды DKNews.kz.
Пәтерлердің және тұрғын емес үй-жайлардың меншік иелері жиналыста кондоминиум объектісінің ортақ мүлкін басқаруға және күтіп-ұстауға қатысты мәселелерді қарайды және шешімдер қабылдайды.
Осылайша, қажет болған жағдайда (тұрғындар қандай да бір себептермен домофон компаниясының жұмысына қанағаттанбаса), пәтер иелері келісім-шарттық қатынастарды қарастыру үшін кездесуге бастамашы бола алады. Жиналыс қорытындысы бойынша домофон компаниясын таңдау немесе шарттық қатынастарды қайта қарау, мысалы, жабдық бұзылған жағдайда абоненттік төлемнен біржолғы төлемге көшу туралы шешіммен хаттама ресімделеді.
«Тұрғын үй қатынастары туралы» Заңның қолданыстағы редакциясының 6-бабына сәйкес меншік пәтерлердің, тұрғын емес үй-жайлардың иелері және сервистік қызметтің нысанасы арасында, егер ол осы Заңда өзгеше көзделмесе, жеке шарт жасасу арқылы кондоминиум объектісінің ортақ мүлкін күтіп-ұстау жөніндегі қызметтерді көрсетуге жол берілмейтінін айта кеткен жөн.
