Бас Прокурор азаматтар көп баратын объектілердіңбасшыларымен түрлі қауіп-қатерден қорғалу мәселелері бойынша кездесуді тапсырды, деп хабарлайды DKNews.kz.
Азаматтардың қауіпсіздігін қамтамасыз ету аясында прокурорлармен сауда ойын-сауық орталықтарының басшылығымен көшпелі кездесулер өткізілді.
«MEGA Silk Way», «Керуен», «Сарыарқа», «Хан шатыр», «Азия парк»сауда ойын-сауық орталықтарына, «Magnum» супермаркетіне барды.
Диалог барысында объектілердіңбасшылары қорғауды күшейту бойынша бірқатар бастамаларды айтты.
Қолданылудағы терроризмге қарсы және өрт қауіпсіздігі жүйелерін көрсетті.
Прокурорлар персоналды әр түрліқауіп-қатерлерге қарсы әрекет ету дағдыларына практикалық оқытуға баса назар аударуды ұсынды.
Басты назар қорғау мен күзету жүйелеріне заманауи цифрлық шешімдерді біріктіруге жасалды.
Қорытындысы бойынша тараптар осындай кездесулердің пайдалы екендігін атап өтті.
Олар пікір алмасуға, бірлескен әдістерді енгізуге және қауіптерге қарсы тұру жағдайына ықпал етеді.
Мұндай кездесулер басқа өңірлерде де өткізілуде.
