Air Astana әуекомпаниясы Алматыдан Нұр-Сұлтанға тұрақты рейстерді 2020 жылдың 1 мамырынан қайта орындай бастайтыны туралы қуана хабарлайды. Ұшулар әзірше күніне 3 рет Airbus 320/321 және Embraer E190-E2 ұшақтарымен орындалады.
Төтенше жағдай режимі аяқталғаннан кейін Air Astana мен FlyArystan өзге ішкі бағыттар бойынш қатынайды.
Жолаушылардың қауіпсіздігі мен денсаулығын қамтамасыз ету үшін Air Astana Қазақстан Республикасының көлік саласындағы бас мемлекеттік санитарлық дәрігердің 2020 жылғы 27 сәуірдегі № 2 қаулысында белгіленген шараларды қолданады.
Құжатқа сәйкес, жолаушылар рейске бетперде киіп келуі керек және оларда ПЦР тестінің теріс нәтижесі көрсетілген анықтамасы болуы керек.
Олар сондай-ақ түйіспесіз температураны тексеруден өтеді. Барлық рәсімдерді орындау үшін жолаушылар ұшуға 2 сағат бұрын әуежайда болуы керек.
Салонда арнайы отырғызу шарасы қолданылады. Ұшақтағы тамақ бірреттік ыдыста ұсынылады. Тамақтанғаннан кейін жолаушылар бетпердені сапар аяқталғанша киюі тиіс.
