Қазақстан Республикасы Парламенті Сенаты Төрағасының орынбасары Асқар Шәкіров Санкт-Петербургтегі Таврия сарайында Тәуелсіз Мемлекеттер Достастығына қатысушы мемлекеттер Парламентаралық Ассамблеясының Кеңестің кезекті отырысына қатысты.
Кеңес мүшелеріне Тәуелсіз Мемлекеттер Достастығына қатысушы мемлекеттердегі сайлауды байқауды ұйымдастыру туралы, халықаралық терроризмге қарсы іс-қимыл жөніндегі конференцияны өткізу қорытындылары туралы, ТМД-ға қатысушы мемлекеттер Парламентаралық жастар ассамблеясының көшпелі отырысы туралы, «Жария билікті заңдастырудың тетігі ретіндегі сайлау институты» халықаралық конференциясын өткізу туралы ақпарат ұсынылды.
Отырысқа қатысушылар ТМД-ға қатысушы мемлекеттер Парламентаралық Ассамблеясының 1941-1945 жылдардағы Ұлы Отан соғысындағы Жеңістің 75 жылдығына арналған шаралар жоспарының, Тәуелсіз Мемлекеттер Достастығының 2020-2022 жылдарға арналған үлгі заң шығару жоспарының жобаларын және басқа да мәселелерді талқылады.
